Trump accozah nynh USA ram kya me a pyapaw ccungccaw miakaw kyaze citizen a thualei hae paw tuh me pya khonaw thawte a khepaw nynh thua.
Aromaw November saw kya hluettaw pokunaw (election) athuamaw kyaze atu hawte Suprme Court nynh kaw a pyapaw hynh Trump a ccozah hanlan taenaw ccangkheit nynh thua.
Democratic party hae nynh ,me pyanaw kyaze Citizen na thua tou, na thua khyh tou cipaw ny khy nawlan ID ngia ho khyh cite a ho hae.
Thuasalamah, USA Constitution kyaze “citizen athuapaw te kum (18) accingpaw ccungccaw rou nynh me pya kho a thua” cite a um.
Atulya USA ram kya President pokunaw kya thuasa, Hluettaw pokunaw kya thuasa, Governor pokunaw kya thuasah Democratic party hae nynh ID ngia lanpaw phe mya hae. Pawccecize minmin tuh Citizen thualei hae paw kyate me patae a mue hae keiccu nynh ID a ngiary khyh hae paw athua.
Alia vaepaw kum kya President poku lyaze Blue party state alunghua kyatuh ID a ngia khyh hae keiccuze Citizen thualeipaw hae nynh me a pya hae paw patae a lah muih hae.
Te keiccu nynh atulya Trump a ccozah nynh mepya ze ID ngia aho cite a hopaw nynh thua.