South Korea kyaze ale huaccepaw byapia zungpi nynh President ryn nung Park Geun-hye tuh thong a ccaw lanpaw kum (20) a zuhpya hae.
Masaty tuh kum (30) thung ccaw thuasah cite bya a pae hae paw nynh thua. Atunin te tuh kum (20) a zupah bang vae hae. 
Park Geun-hye hynh ahme leite ryalaw a law, pya ruh a lawku apiaze a bangnung idea te nynh ram a uk cite tazaeccoi hae zah a ryalaw kyate poh phua hae paw nynh thua.
Accozah sinei hae nynh tuh hynhlaeze a kum houh lung lan thong a ccaw nawlang ngia hae salama byapianaw ale huapaw zungpi hae nynh kum (20) kalan pou a rungsahbung hae.
Amaw hynh 2013 kum kya nopi kyaze masaty President lan a tang typaw nopi lu kheit athua. Thuasama ahme leite pya ruh pei a lawkuh keiccuze 2018 kum kyate tuh a ryalaw phoh hae zah thong a saw hae paw nynh thua.
#ZTC
