Pelosi a Laptop tuh Antifa hae nynh a lawpya hae paw Trump thawpyatu hae nynh a kobia hae paw video.
Atu lya pawkeiccu mou Pelosi nynh Trump arang te a ryalaw a phua ry cize Hluettaw a office kya a nungkuhpaw a Laptop tuh Antifa hae nynh phe a lawpya hae keiccuze “pung oun nybia sei vae cih hae” cite a ripaw te nynh Trump a ryahae phua lanpaw thaw te la zuaku.
Hynh-e video kya na muih cih oh, “Antifa hae nynh Hluettaw Ukkathah nung Pelosi kya-e Laptop nynh a lawpya hae nou” cite Trump thawpyatu hae nynh khibia te a kobia hae paw kha na muih cih oh.
Ahmepaw aphi tuh houhouh yn langkuh vae cih. ro vae lan khyh aromaw Democratic hae nynh aruh lante rya a law hae paw te ccyh a soikuh hae paw aphi yn paw vae cih nou.
“Trump thawpyatu hae nynh hluettaw kalang a tee hae” cite media hae nynh zei hae zah Repbulican abang te Democratic hae nynh Trump tuh seisah hae zah a ryahae kyate palah phua lante a paccynkuh hae.
Hluettaw lungkhu lang tuh Trump thawpyatu hae mah a teebua hae paw nynh thua. Thuasalama pawpaw ukccaw syro khyh hae zah, a syro hae paw kha mah ukccaw syro nan oh cite a hopah he hae.
Atu lya Pelosi tuh ih mah ih kho lei, a ae han mah thua vae khyh cite a ho hae.
Video link – https://www.youtube.com/watch?v=n2Ady3z-Xy8&feature=share&fbclid=IwAR1BImAXkMBJDsHIXswdVER8Iad81UXp0VPViP4OKnTXhgSULkpfkeJlVRo
#ZTC
