Ahmaw Zotungpaw Paaw Za Lian tuh malang saw August 20, 2021 nin Friday kya a thungkuh cih hae.
Amaw a khua min tuh Lawvaw thua zah atu a umnaw tuh USA Kansas City kya a zu a ccaaw hae te a um hae paw nynh thua. Imua lu kheit a hoi vae paw nynh thua.
Paaw Za Lian hynh a kum tuh kum (20) laepaw nynh hung thua um. Atu hynh masaty vae (1) naw lante a thungkuh cih paw hynh thua.
A paaw min hynh Paaw Rai Mang thua zah a nung min hynh Nung Thoi Zi nynh athua. A nung a paaw hae mah Kansas City kya a umbua hae paw thua zah Malaysia te a thuanaw hae hynh kum (9-10) pepan a cih vae.
Atu a thungkuh cih hae paw, lu kheitpaw hynh mah American-Mexican Minphuin paw nynh thua. Hynh-e paw hynh vae (3) thungkuh boi vae paw thua zah vae (2) a shung vaepaw nynh thua.
“Hynh-e paw tuh phe ka tae cih, tae khonawte ka la zuakuh cih” cite yn hopya. A tae mamin cih cite zemah admin nynh ka zyn.
Ah Zotung Minphuin hae mah kou kou ah langkuh vae oh zah lungtua lan kou um. Te, Mih pyn mih rua do lan zetuh Goliath te David taraw hawte nynh thua hae. Thuasalama Bawipaw nynh Paaw Za Lian taenaw yn pya cih.
Paaw Za Lian hanlan sawsangte la bawmbua oh sih.
Ticket rekuhte do khobua athua.
https://www.apexsportsent.com/
#ZotungTubeChannel
