England nynh raepaw rawtuhnawpaw phupaw sanphalung HMS Queen Elizabeth th atunin kya masaty lan te Taluh ram kin lan cciatua vae.
Atu lya bya pei alungnaw Taluh ram kin rili kalan acceihpaw, atu e innzoupaw aphupaw sanphalung hynh innzoupaw azyahua sah (15) pepan aphu khopaw sanphalung nynh athua.
Hynh-e Sanphalung HMS Queen Elizabeth hynh Pacific rili kalan rya a hae cihpaw nynh athua cite England Uktubawi nynh a ho.
2019 kum lya mawte masaty lan Taluh ram kin lang cciasah lan cite Williamson nynh a ho ty vae hawte, atu tuh a cciasah ccaccing vae hae.
Atu hawte England nynh Taluh ram kin lang asawpaw tuh Taluh accozah tuh a thin myarya a ria. “kae ramri ccapyh oun liapaw miakaw tuh aho ze aho thyhte kae liaru cih hae” cite a fu hae.
England nynh Taluh ramri kalan pou oun ccia ccaccaing zetuh Taluh nynh pawtemah oun cyiru hae cipaw la ngaehoitua oh sih.
Atu lya Taluh hynh American koute ale huapaw ram, ram kheit oun thua vae keiccuze niccaw lan e ram hae tuh mih thin myarya phangkhaekuh vae hae.
#ZotungTubeChannel
Ref; K N
ပထမဆုံးအႀကိမ္ ေရွ႕တန္းတာဝန္ထမ္းေဆာင္ရန္ ေတာင္တ႐ုတ္ပင္လယ္သို႔ ဦးတည္လိုက္ေသာ အဂၤလန္ရဲ႕ ေလယာဥ္တင္သေဘၤာသစ္ႀကီး
