Inkhawnin June 22, 2020 nin kya President Trump nynh “July naw (1) naw te naw (2) naw pepan kya hohzeih nynh bung lan yn ccan cih cipaw yn pou vae cih” cite a ho.” Atu-e vae (2) naw bungnaw tuh masaty bungnaw laeze houh alung lante kae pya cih oh” cite bua a ho.
Vae (1) naw kyaze kum (16) te akawlang hae hynh $500 te a pyabua hae paw thua zah kum (17) te palung lan e siainnmua hae tuh a pyabua lei hae paw nynh thua. Thuasalama atu vae (2) naw kya vae tuh, kum (17) te palung lan hae mah bungbuanaw yn muebua vae cih hae. Hohzeih nynh yn mue cih hae cipaw tuh hobia loh khyh.
Innbyn inn kheit kyaze imua lu (3) ungpaw thuaze $6000.00 a mue vae cih hae cite thae lan ung zah lungtua lan myarya ung. Aro mawze Senate hluttaw te House hluttaw hae kyate bys paenaw yn hoi cih hae. July athangdyn kya tuh mue lan yn ccan vae cih cite ngaehoi lan ung.
Innbyn hae tuh ngapaw bua lua lanpaw vae. Facebook kya mah “Boss lan bua tang lan vae” cite mih lungtuanaw ccaw a zeikuh he vae hae.
#ZotungTubeChannel
