Dexamethasone si hynh covid-19 virus kya kuhnaw kya ahooy huaccepaw si nynh thua vae. Dexamethasone si hynh ame zemah myarya zoi lante nynha rae hae.
UK sibawi hae nynh a rae hae paw Dexamethasone si hynh a dan lei hae paw ngeccih hae kya mang lanpaw zemah WHO nynh thaw phe pya. “hynh-e si na rae oh paw UK accozah te Oxford University hae tungvaw kya lungtua lan myarya ung, cite WHO nynh lungtuabya a hopya hae.
UK accozah nynh mah Dexamethasone si hynh covid-19 ngeccih hae kya mangnaw khue zemah a pya hae. “Hynh-e si hynh masaty lante a mue oh paw si nynh thua cite UK accozah nynh a ho. Hynh-e si hynh nia te niapaw mah ung zah pyn kya kawte kawkuhpaw mah a ungpaw nynh thua.
UK Oxford University (OXFORD Siainn mua) hae nynh a rae takaw lya hae te WHO hae kalan a thaesah ty boi vae hae paw nynh athua. WHO nynh zemah hynh-e si mang lanpaw thaw a pya vae hae. 
Oxford University nynh raepaw dexamethasone si te ccungccaw milu (6400) lae te syntawnaw raetua hae zah myarya maw akaethung nawpaw a muih hae. Hysuenawpaw te 40% te 28% dan hae zah Oxygen pya hae paw zemah 25% te 20% laku kya rythyh phe dan hae. Tuh-e hae tuh mih ccinaw myarya ru vaepaw nynh thua hae.
Dexamethasone si te a kuh hae paw hynh nin (11-15) laku kya phe dan hae cite UK accozah nynh a ho. Hynh-e si raenaw kyaze lupi lan ungkhae hae paw tuh Martin Landray nynh thua. Ccungccaw ccing (2) hanlan raery te pong kae nung vae cite Martin Landray nynh a ci.
Atu lya hynh Covid-19 virua si tae khonaw lanpaw hynh ram takyh te Thawte a zuakuh cciamang hae. Tuh-e laku kyaze atu UK Oxford University raepaw Dexamethasone si hynh ahooy huaccepaw si nynh thua. WHO nynh zemah thawpyapaw si nynh thua.
Atute zemah houhouh a rae khonaw lan hae sawsangte bungbua oh sih.
#ZotungTubeChannel
