Spread the love
  •  
  •  
  •  
  •  
  •  

Home Zotung ICC lupi hae American nynh detah hae

ICC lupi hae American nynh detah hae

Spread the love
  •  
  •  
  •  
  •  
  •  

Afghanistan ram kya american rawkaw hae nynh nopi hae a kynde hae cite ccaw a tin hae keiccuze ICC nynh sesei lan cite 2017 kum kyate a paccynkuh vae paw nynh thua.

Hynh-e ICC hynh ram takyh accozah miakaw thzaeccoinaw haete bya a pianaw hae nynh thua. Te nynh, “American rawkaw hae sisei khonaw kaw na hoi khyh oh, na sisei de lan oh ze, detah na thua cih oh” cite American nynh pou a cipya vae paw nynh thua.

Thuasazema ICC nynh a sisei de ki hae keiccu nynh inkhawnin June 11, 2020 kya tuh American nynh ICC Lupi hae takua tuh USA visa a khawpya hae, a hoi hae paw phua marya a khawpya vae hae.

Lu hozeih nynh a khawpya hae cipaw hobia khyh hae. “American tuh ICC kya a teebua leipaw thua zah naning nynh na sisei kho khyh oh, sisei khonaw kaw kae pya khyh oh” cite American President Trump nynh a ci.

“American nynh hynhte rya a lawpaw hynh tazaezei ryalawnaw kya yn khawpaw nynh thua” cite ICC lupi hae nynh bua a khungru hae. Secretary of State Mike Pompeo nynh “ICC lupi hae te mih innbyn hae tuh USA ram kalan ccia khonawpaw visa kae khawpya hae” cite bua a ho.

Sineichoh, William Barr nynh zemah hynhte a ho, “ICC hynh Rusia nynh rythyhte a mangpaw thua zah ICC nynh American sisei lan a cipaw tuh ram ccang hae kya maethyanaw yn lawpaw nynh athua’ cite bua a ho.

2014 kum lya UN kya President Trump nynh bya honaw kyaze “American tuh ICC nynh byapia kho thua khyh, byapia khonaw kaw hoi khyh, ICC hynh ram takyh balyn ukkuhnaw kya ame leite biapia lante a paccynku, American ram tuh ICC kuih kalan hohtuh hohtuh zemah kae up lan khyh” cite a ho bangpaw nynh thua.

Atu zemah sisei khonaw kaw hoi khyh hae zah sisei kho khyh hae cite a hopaw nynh thua. American nynh tuhte visa khawpya te a hoi hae paw phua balyn pong a khawpya vae hae paw thua zah pawte nynh yn thua cih cipaw ny ry bua ung ki vae.

Ref; VOA,BBC,VOM

#ZotungTubeChannel

Today: 1 Total: 213625
Facebook Comments


Spread the love
  •  
  •  
  •  
  •  
  •  

Most Popular

Vae ram hlawsahthya Popo tuh atunin thonginn kyate phe a lue vae

Vae rhawkaw nynh Kawkhyanaw alua hae keiccuze ryleinaw thawte a siakhaebuapaw hlawsahthya POPO tuh kynbua hae zah atunin October 28 nin kya phe yn...

Elon Musk nynh Twitter a re koute Twitter CEO paw te CFO paw tuh daethui lan a de hae.

Laephi vawlang kyaze a hoirum huaccepaw Elon Musk nynh Twitter tuh $44B te thohpae lan are vae.Inkhawnin ccaccung ninpalinin kya kuih singkuhnawpaw akua ccynkuhte...

Zotung ram ngaethyanaw thongpang; Oct 02, 2022

Paw Tin Za Ling tuh zekhanin Sep 28, 2022 nin Keko khua kya vae rhawkaw hae nynh phe a kyn hae.Amaw hynh Malaysia lan...

Falam siboipaw bang-ohkuh te amaw te amaw a chiaku

Chin Pyine Falam Myo kyaze siboi lepaw Dr. Tluang Cung Thang (kum 40) paw tuh atunin Sep 27, 2022 nin awkhua san kya amaw...

Recent Comments

Facebook Comments

Spread the love
  •  
  •  
  •  
  •  
  •