Zekhaning June 9, 2020 nin kya North Korea nynh South Korea te vaeccawkuhnaw marya kae phiah vae cite a ho koute Ameican te bua yn fukuh ki vae hae.
“North Korea nynh hynhte bya a pae hae paw hynh lungthang lan myarya ung” cite American nynh a ho keiccuze North Korea nynh “Kae ram lungkhu e konglang kya yn khawkuhbua nan, yn ho hobua nan, namaw na khua ram hanlan balia kha zuakuh” cite a khungru.
“Yn thua cihpaw President pokuhnaw konglang balia kha ahooyte paccynkuh” cite bua a khungru hae.
South Korea hae nynh khivae thaerapua zousahte North Korea ram kalan ccaw pei a ne hae keiccu nynh North Korea nynh a thin ria zah South Korea te vaeccawkuhnaw varae a phiapaw nynh thua. 
North te South lupi hae hynh avae vae (3) ryacia a tungkuh vae hae paw nynh thua. Thaekuh nawlan cite awkhua suimihlan 9am kya vae kheit, zete suimihlan 5:30pm kya vae kheit phone te tyty pou a thaekuh vae hae paw nynh thua. Thuasalama atu tetuh thaekuhnaw ung vae khyh.
Te nynh, American te a rawkuh ty haenaw kyaze atu tuh laete houh bua a rawkuh ki vae hae.
#ZotungTubeChannel
