New Zealand ram kya tuh atunin thungte covid-19 virus ung maw vae khyh, phe dae vae cite accozah nynh atunin June 08, 2020 nin kya a ho.
Ram lungkhu kyaze nyathya lante a ccihpaw mah phe dan vae cite wincichohnung Jacinda Ardern nynh a ho. Lockdown kae tuapaw mah phe thang lan kae hung vae cih cite bua a ho.
Office hae te siainn hae mah aninsaw khya ho vae leite pong kae hung vae cih, atu hawte thongpang hooypaw ka thaepaw tuh ka law te tah ka law cih ci mah ka nyhkuh khyh citewincinung Jacinda Ardern a ho.
New Zealand ram kya milu (1,504) ccinaw kae hae zah milu (22) a chih hae. mih ram kya ccinaw a kae thawpaw a ung khyhnaw nin (17) a cih vae cite Jacinda Ardern nynh video kyate a ho.
Johns Hopkins kyate a honaw hae tuh laephi vawlan milu (7 million) lae ccinaw kae hae zah milu (402,000) lae a chih vae hae cite a ho hae.
Credit Photos
#ZotungTubeChannel
