Atu e Lyanna Dior cihkuh nung zemah Geroger Floyd te sekuhte sandah a pia buapaw nynh thua. A kum (21) cih vae paw nynh thua. Minneapolis, Minnesota state kya a ung paw nynh thua.
Thuasalama sandah a pia kheih hae paw ngeman hae nynh “nang tuh arou nung khaw tou na thua, sandahpia bua nan” cite laesahkuhnaw hoite bua hae zah a chi a nae te a nung hae. Sizung lan arangte a cciakhae hae zah atu hynh suing nynh a ung um.
“Thawzung pyate thin nae phang khae oh paw ka lung myarya a tua, atu tuh mang ka hoi hua vae “cite a fb kya a tinku.
Te, Lyanna Dior asineinung nynh ‘e konglang te palih hae nynh oun sisei cih hae zah ahmete byapia yn thua cih” cite a ho. Ccungccaw lu (10) laete a bua hae paw thua zah a mung kya, a khaw kya, a haw kya balyn a vaemaw patae a mue cite news kya a zei hae. 
Amaw hynh nopi raroh, pise raroh te umpaw nynh thua. Hynh-e arou hae paw hynh ccungccaw hae nynh myarya a dothahtheih hae paw nynh thua. Ccungccaw hae raw mah myarya rih thya hae zah zakawsangsakuh te a ung thya hae paw nynh a thua hae. A tu zemah ngeman minphuin kalan panbuate sandah me a pia buapaw kya ze ngeman hae mihmaw maw nynh laesahkuhnaw hoite a bua hae.
Mihmaw tuh ngeman te ngeraw nae laesah oh cih hae zah arou nung tuhze ‘na roupaw nynh na thua” cite vya chih lan bua a bua ki hae. Laephi vawlan hynh laesakuhnaw a ung khyh zetuh atu hawte sandahpia cipaw ung lan khyhpaw nynh thua.
George Floyd a theih hae paw palih hae lu (4) mawte tazae a ccoi vae hae paw thua zah atu tuh sandah a pia hae paw mah mih lungry phe thua zah pakheih a dae vae hae. Tem lu (3) hae tuh lu kheit ze ccimh kheit khoi te amakhan a pya hae.
#ZotungTubeChanne;
