Mateitui kya virus a um cipaw Germany sibawi hae. nung lu ning hae kya-e DNA te syntawtua hae zah matei tui kya virus a umpaw phe muih vae hae.
Virus a hoi hae paw nung hae kya e ccinaw mateitui kyate akaekuh thyapaw hynh ccaaw hae hanlan myarya thinpang lanpaw uccaw nynh thua.
Mateitui ccapyhpaw kya virus 94800 te 132000 a um kho hae cite a muih hae. Tuh-e virsu a kaenung nung a ccaaw zemah virus phe kaebua cite a ho hae.
Matei zu umpaw imua hynh mateitui kyate akaepaw tou, thuakhyhze paw kyate kaepawmou cipaw ahooyte riasah kho loh khyh hae.
Nung mateitui kya virus a um cipaw tuh phe ria lan a muih hae. Tuh-e mateitui kyate imua kalan akaekuh kho, kaekukh kho khyh cipaw tuh aro mawze aphi kae muih cih cite sibawi hae nynh a ho hae.
Athua kho zetuh imua hae hynh matei kyate mateituipaw na pya khyh oh ze ahooy hua, zusahnawpaw abung te na pya cih oh cite idea a pya hae.
#ZotungTubeChannel
Ref; Mizzima
