Hongkong hanlan kawbya ci lan kae cipaw tuh pou kae cih de cih cite China lupipaw nynh inkhawnin May (25) nin kya a ho.
Hongkong hynh China kyate luenaw elang cite a paccynkuh hae paw miakaw mazi kae ngaethya kho lan khyh hae zah kae dou cih hae cite lupipaw nynh bua a ho.
Hongkong luduh sandah pia hae paw
Inkhawnin kum kya mah China accozah kuihkaw kyate pou ry hae zah ccungccaw ccing kheit lae pepan te sandah thawte a pia vae hae paw nynh thua.
Tuhte sandah a pia hae keiccuze China accozah tuh zyabua a sungkuh. Atu vaeleih lungchungzei hanlan kawbya kae rae vae cih cite bua a paccyynkuh ki vae.
China nynh hynhte a paccynkuhpaw hynh USA nynh mazi a ry leipaw nynh thua. Urawpah ram hae nynh zemah Hongkong kalan ccavin a pankhaw hae.
China accozah nynh kawbya yn thode ccaccing zetuh American te China tuh maee lan phe yn rua kho vaepaw nynh thua.
#ZotungTubeChannel
