Rev. Dr. Van Ram Uk te A zu sizung um hae

Covid-19 ccinaw tuh anuhlang saw kya khe ph ekaebua hae zah innvaw kya ah um hae paw nynh thua.

Atu tuh mih zuvaw mawte thawte ccih hae zah sizung lang pou thua vae hae. Evan Tluang Thang nynh fb kya hynhte a zei, “Dr. Van Ram Uk te a zu te atu hynh thawte ccih hae zah innvaw um kho thua vae khyh keiccuze sisung nynh um hae, sawsang te bungbua oh sih’ cite a post.

Dr. Van Ram Uk hynh Pachia nynh myarya a mangpaw lu kheit athua. Ccinaw ah tung takaw lya hae ze amaw nynh mah fb kyate “Min myarya thangpaw covid-19 ccinaw tuh tua leipi te kae zuvaw te kae tungbua’ cite hokuhte sawsangnaw a ngiakuhpaw nynh thua.

BAWIPAW nynh dannaw ccingpaw te thawzung thawpaw ah pya kho nawlan lan hae sawsang te beih bungbua oh sih.

#ZotungTubeChannel