Malaysia uktubawi rynpaw Mahathir Mohamad nynh “Muslim hae nynh France minphuin (ျပင္သစ္ Minphuin) hae hynh milu accing lae (millions lae) chia ru lan hae accang” cite inkhawnin kya a ho.
Pawkeiccu nynh tuhte a ho cize, anuhlang lonaw kyaze France ram kya Mohamad sakhung Carton lan a rae hae paw kha siainn kya sazaepaw nynh a dosahnaw hae kyate athopaw nynh thua. Tuh-e sazaepaw tuh Muslim hae nynh phe chiabia hae.
NICE, FRANCE – OCTOBER 29: Police stand in front of the church on October 29, 2020 in Nice, France. A man armed with a knife fatally attacked people in the Notre-Dame church in Nice, located in the heart of the city. (Photos by Arnold Jerocki /Getty Images)
Tuhkoute, France ram beikinn lungkhu kya a um hae paw ccungccaw lu (3) hae tuh Muslim paw nynh ccezung te phe bua a chia hae.
France uktubawi nynh “siainn sazaepaw a chia hae paw te beikinn kya um hae paw a chia hae paw hynh mazi ngaethyaku ci um khyh” cite a ci keiccuze Mahathir nynh tuhte a khungrupaw athua.
Mahathir nynh tuhte a hopaw hynh Nain-ngain-zei ccama hae phuu balyn nynh “Beiknaw lante rawkunaw lan nynh atang” cite a seisah hae.
“Lanmawkaw lyaze France hae nynh Muslim minphuin hae patae oun chia boi hae” cite bua a ho. Mahathir nynh Twitter kya a zeipaw tuhmah Twitter hae nynh phe thepya hae. RC Pachia rya latu lu kheit mah Muslim paw nynh maethe te a kaw ci hae. Tuh-e Fatherpaw tuh “a vaemaw ryte atu hynh sizung kya um zah thinphang lan myarya um” cite a ho hae.
Atu lya hynh Muslim hae thaw te mih ry leinaw konglang alansahkuh hae. (sandah a pia hae). Muslim hae te Kriccaaw hae oun rawkuh lan hae paw thinphangnaw myarya a hoi hae.
#ZotungTubeChannel
