Atu lya American te China, China te India hynh myarya a rawkuh cciamang lya hae ze American rawkaw te India rawkaw hae tuh India rang rili kya rawtuh thya nawlan cite ning nin a ccangkuhtua vae hae.
China te a rawkuh ccyhlya hae ze American te India atu hawte rawtuh thyanaw a citua hae paw hynh do lan ze American te India tuh ccaving kae pangkheih cirynaw te a langsahkuh hae paw nynh thua.
Anuhlang saw kyaze India rawkaw hae te China rawkaw hae tuh rangrih kya buakuh hae zah India rawkaw hae milu (20) lae a chih hae cite a ho hae. China accozah nynh tuh mih rawkaw hae a chi hae paw konglang mazi ho khyh salama India accozah nynh tuh India rawkaw hae laeze leihkheit a chih hua hae cite a ho.
China hynh mih=n hae rang lua lante nynh pou a sekuh he. Mih rang thua leipaw balyn hynh “kae rang” cite a luade he hae. China hynh American rangkoute rang ningnaw sipuazei lante myarya thungpaw thua zah rang taraw hae hynh laete houh a dothahtheih he hae.
China nynh rythyhte rang luade te a ungpaw hynh American nynh mazi ry khyh. “Ame leipaw rya nynh na law oh” cite seisah hae zah rang dih hae kalan a pangkhaw hae.
USS Nimitz te USS Ronald Reagan ccingbaw hae tuh India rang rili kya a santua hae paw hynh China pawlan kae ria khyh cinawpaw nynh thua. Atu lya American te South Korea mah rawtuh thyanaw ccangkuh hae zah American te India zemah a ccangkuhnaw hae te ning nin cih vae.
American nynh atu hawte mahameih hae te rawtuh thyanaw a ccangkuh hae paw hynh China nynh “kaening dounaw khylan nynh yn ccangnuakuh hae” cite cih zah China tuh a thin myarya houh ria khaekuh vae.
China mah atu lya a rawkaw hae houhouh a thungnaw lan hae thawte a zuakuh cciamang paw nynh thua.
#ZotungTubeChannel
