Atu lya South te North maee lan vyavya rua cihawte nynh thua. North Korea ram kalan thaerapua te ccaw pei a ne hae paw tuh North Korea tuh a thin myarya a ria.
Kim Jong Un a neitanung Kim Yo Jong nynh “South Korea hynh aro mawze detahnaw kae pya cih hae, tuin kyaze raw tuh biate detahnaw kae pya cih hae” cite a ho. Kim Yo Jong hynh tazawin (တရားဝင္) te ryahae a khan hae paw a thua khyh zemah acianpay (အၾကၤေပး) lante a ungpaw nynh thua.
KCNA News kya “Rawkaw bawi hae zemah cyi khonaw te raw tuh khonaw kaw kae pya hae” cite bua a ho ki. Pawte nynh detahnaw kae pya cih hae cipaw phe ria lan hobia khyh hae.
North Korea kalan te a ccue hae paw nynh thaerapua te zousah te ccaw pei a ne hae paw kha “South Korea accozah nynh hooyte a thing khyh hae” cite a weiphan nawpaw nynh thua.
Te, American te Nuclear konglang a soinoi hae paw nuhlang malang asihkuh thya vae khyh keiccuze a thinriapaw te nynh South Korea tuh ryalaw lan a lawpaw nynh thua” cite nain-ngain-zei ccama hae nynh a ho hae.
Atu lya North Korea tuh South Korea te thuasah American te thuasah ccawkuhnaw hoi kho vae khyh hae. South te North hynh lanmaw kawlya ze Thawte a tuhkuh ban hae paw thua zah atunin ryacia mah တရားဝင္ ျငိမ္းခ်မ္းေရး ccawkuhnaw hoi kho loh khyh hae paw nynh thua.
#ZotungTubeChannel
