USA Minnesota state Minneapolis kya Inkhawnin May 26, 2020 nin kya ngeraw palihpaw nynh a ccukharu te ngemanpaw a ngin kyate a hy phe thang lang a syde.
“Thawccinaw te yn syde nan vae, ka hy ka sue kho vae khyh, beih yn cih nan vae” cite ngiakuh hae zemah palihpaw nynh ruasuate pou a syde keiccuze ngemanpaw tuh tuin kya a hy phe thang.
Atu e paw a min tuh George Floyd nynh athua cite a ho hae. Ngeman hae hynh “ngeraw palih hae nynh myarya oun dothahtheih hae zah atu bua oun chia ki vae hae” cite sandah a pia hae.
Ngemanpaw lu kheitpaw nynh mah ‘Kaening ngeman hae hanlan ngaethyanaw nynh bua oun thuanua vae” cite rawbiate a ho.
Atu hynh Minneapolis Police Department lupipaw nynh “ahme te rya kae lah cih zah atu e palih lupali hae hynh azei kae zuh cih hae” cite a ho. Thuasalama NowThis Politics news kya tuh lupali mawte phe de vae hae cite a zei hae.
FB kya video mah mang na muih cih oh cite ka tua. Ka do zah kamaw maw ka thin phe riabua. “Please, please I can’t breathe.” cite sia zemah palihpaw nynh houh te houh a syde.
Minneapolis palih bawipaw Medaria Arradondo nynh “FBI hae nynh palihpaw angki kya, a tahkuhpaw camera te ahooyte bua kae do koute Hennepin zung lepaw kalan ccaw kae ky cih hae” cite a ho.
Palihpaw nynh phan a syde ccyh kya ambulance yn thua zah sisung lang pou a cciakhae hae.
News ccangkheit kya tuh sizung a thuakhae maw taraw kyaze phe chih vae cite a ho ki hae. Video kya do lan zetuh tuin kyamaw a hy phe thang vaepaw nynh thua.
#ZotungTubeChannel
