Atunin (Jan 24, 2021) lonawnin awkhua suimilang 4:00am ccyh kya maethe te kawkuh hae zah cccangccaw lupangaw te ccaaw hoipaw nopi nung lu kheit hae tuh phe chih hae.
“Hynhzeih ccungccaw a kawtupaw hynh ccungccaw lu kheit makhae tuh thua lan khyh, lu kheit lae mang lung cih” cite IMPD kyaze byaho khonaw kaw hoitupaw Shane Foley nynh media hae kya a ho.
Indiana uktubawipaw Joe Hogsett te Palih uktupaw Randall Taylor hae nynh zemah “Hynh-e konglang te arang te ny khonaw lan kae zuakuh cih” cite a ho hae.Pawkeiccu nynh a kawkuh hae cipaw nyh loh khyh hae.
Atu e a kawkuhnaw hae ahmuin tuh 3500 block of Adams Street before zakueh kya nynh athua. Ngawphue taraw lu kheit tuh sizung kya nung um hae zah mang yn dan cih cite ngaehoinaw a hoi hae.
Hynh-e kyaze ccaaw a hoi cciamang nung nopi nung elang nynh ngaethya lan kou maw um. Bungtu (Kesezei) hae nynh thaw te do-oih tua hae salazema taening vae khyh hae zah mih nungccaw mawte phe chih hae.
Ref; FOX 50 & CNN
