ISIS (Islamite) hae nynh inkhawnin Jan 21, 2021 nin kya, bom san (2) pawsah hae zah ccungccaw milu (32) a chisah hae.
Hynh-e hynh Joe Biden he yn kae koute nin kheit ro loh khyh ISIS hae vae kheitnaw oun langkuh ty hae paw nynh thua.
“Biden yn tang zetuh ISIS bua oun langkuh vae cih hae” cite ccungccaw hae nynh a tua hae hawte atu tuh inkhawnin ccaccung ninpalinin kya Iraq ram Baghdad khua kya bom pawsahnua hae zah milu (32) chih he zah milu (100) lae vaemaw a mue hae.
Iraq accozah hae nynh “ISIS hae nynh a cyi hae paw nynh athua” cite a ho hae. Te, “ISIS hae nynh aepaw niapaw te uccaw a zuanaw hae ccungccaw alung huanaw laanpi ngaelung kya bom a pawsah hae” cite Turkey accozah website kyate zemah online kya a tin hae.
Sizung kya a um hae paw vaemaw a mue hae paw mah bua oun chih kho hae cite Iraq accozah nynh a ho.
Ccungccaw zaepi nynh a tua hae hawte yn cyikuh ccaccing vaepaw nynh thua. Trump a tang lya tuh ISIS hae phe a daesah kho hae.
Video kya tuh do ngan um khyh. A pawsahtu hae paw tuh mah mihmaw chi biate a pawsah hae paw nynh thua.
Atu te malan tuh ISIS konglang thaery khyh zemah tyty thae lan vae oh.
#ZTC
—————————————————————
ကြာသပတေးနေ့က အီရတ် ဘဂ္ဂဒက်တွင် နှစ်ကြိမ် အသေခံဗုံးခွဲမှုကြောင့် ၃၂ ဦး သေဆုံးပြီး ၁၀၀ ကျော်ဒဏ်ရာရခဲ့သည်။ အီရတ် အာဏာပိုင်များက အစ္စလာမ်မစ် နိုင်ငံတော် (ISIS) အကြမ်းဖက်အဖွဲ့မှ တိုက်ခိုက်မှုတစ်ခုဖြစ်ကြောင်း ဖော်ပြခဲ့သည်။
#ZTC
Ref; American Military News
