Atu e paw Mohsen Fakhrizadeh hynh Iran ram kyaze Nuclear raenaw kyaze a ryahae myarya alepaw te Nuclear raenaw kya Iran accozah nynh myarya a doliakuh hae paw lu kheit a thua.
Amaw hynh Anuhlang lonaw ccaccung ninpangawnin Nov 27, 2020 nin kya mawtaw te a cceih cciamang paw laanpi kya buhkhaw hae zah maethe te avaelu phe beih lan kaw hae zah a chihpaw nynh thua. Sizung kya he thuakhae hae te a hy thangpaw nynh thua. 
Tehran myo kayte 55 ame asaw nawlan Absard Myo kalan a ccia lyaze ccungccaw phu kheit hae nynh a chia hae paw nynh thua. A hung hae kalan te mah “kaening nynh kae chiapaw” cite ho loh khyh hae.
Iran accozah nynh tuh Israel nynh a theih cih cite varyn a zyn. Iran luduh hae nynh zemah Israel te American alan (Flag) hae tuh mae te a soi hae. A tua hae paw tuh Israel te American hae nynh a theih cih hae cite a tua hae.
Iran uktu bawi nynh “Mohsen Fakhrizadeh a chia hae keiccuze soleih kae cih ru cih hae” cite a ho vae. Aromaw taraw kyaze American nynh Iran rawbawi pipi paw a chia hae koute atu e paw hynh zemah Iran ram kyaze accozah kya ryahae lebuapaw luningnaw a chia hae paw nynh thua.
“Iran rampi kyaze kaw hoibua hae paw hynh ahooy te khynaw hanlan ccungccaw a nungpya khyh hae paw hynh Iran accozah mih thawzyanaw ccangkheit nynh athua” cite a seisah hae.
American te Israel hae kalan te atunin ryacia pawpaw bya mah e paw konglang te khung ru loh khyh hae. Atu hynh Iran accozah nynh thaw te aphi ny khylan a zuakuh cciamang um. Oun ny kou hae tetuh pawtemah oun cikuh hua hae ci lan nynh ngaehoi hung um vae.
#ZotungTubeChannel
