(Rhaw) Raw tuhnaw kyaze myarya ahooypaw B-52H innzoupaw hae tuh Iran ram kin kya American nynh patae a nungdae vae.
Anuhlang lonaw kyaze Iran rawbawi thawpaw nynh “Iran rawbawipaw lu kheit thuapaw Qassem soleimani a chia hae keiccuze tuh-e khylan soleih American tuh kae kaw ru cih” cite a ho koute nithua lan san atu hawte American nynh raw tuhnawpaw Innzoupaw ccaving a nungdae paw nynh thua.
American te mahameih hae takua khynnaw elang cite atu hawte a paccynkuh hae paw nynh thua cih cite a ho hae. President Trump kyate “bya” athua ninkae tuh hung kaw lan te ready te phan umnua vae hae.
Iran ram kin lan a um ty vae hae paw innzoupaw hae tuh, F-15E (Strike Eagles)၊ F-16 (Fighting Falcons)၊ KC-10 (Extenders) te KC-135. (Stratotankers) thua hae zah atu e B-52H ryte pynkheihlan te raw tuhnaw kya a mangkheih cih hae paw nynh thua.
Atu lya hynh Iran nynh American hynh myarya a ciru ry vaepaw thua zah accyh nynh pei a dose um hae. Tuh-e tuhmah American nynh phe nykuh zah ready te ccaving a raeringkuh vae.
#ZotungTubeChannel
Ref; AFP
