Atunin Nov 21, 2020 nin zete suimihlang ccangpangaw pepan kya mih inn malang kyamaw ccungccaw lu kheitpaw nynh maethe te a kaw kute pou a ccuetaw.
Hynh-e U Hthai Zaw hynh 2020 hluettaw luakunaw kyaze NLD lante a taepaw nynh thua. Maethe te a kaw kou hae te sizung lan cciakhae kanmaw hae zah sisung kya sisung a um te suimihlang 6pm lae kya a hiinnaw phe thang vae.
Atu lya vaeram NLD hluettaw hae hanlan thinpangkhae lan hae myarya a um hae. Anuhlang saw lya zemah NLD Hluettaw lu (3) hae tuh AA ccapung hae hae nynh kyn hae zah atunin ryacia pou saw loh khyh hae. Atu hluettawpaw a chia hae paw hynhmah AA hae nynh a thua cih hae cite a ho hae.
“Kae khua kae ram kya kaemaw ukkunaw kaw oun pya oh, AA hae hynh ccapung hae nynh thua hae cite cinaw kyate nae vuapya ohze hynh-e lu (3) hae hynh kae sawpah cih oh” cite zekhaning lonaw kyakhe AA (Rakhain ccapung) hae nynh thua.
NLD accozah te AA Rakhain ccapung hae hynh myarya a rawkuh hae paw nynh thua. NLD yn kae te AA hae nynh NLD myarya oun dou hae. Khuin a nuhlang kum lya mah Chin pene NLD hluettaw lu kheit zemah a kyn boi hae paw nynh thua.
Atu te kum (5) lungkhu kyamah NLD accozah te ccawkunaw oun rae kho cih hae cite tua lan um khyh. Atu e a chia hae paw hynh vae rawkaw hae nynh thaw te a sisei cciamang um hae. NLD Accozah nynh vae rawkaw hae kalan nynh kaw a pya hae cite thongpang thae lan um.
#ZotungTubeChannel
