Malaysia accozah nynh aruh lante um haepaw Ramccang ccungccaw hae elang ahme te (tazawin) te um khonaw lanpaw Malay accoza nynh lanpi a uapya vae hae.
Tuh e hae tuh atunin November 16, 2020 nin te tho cih zah malang kum June 2021 nin ryacia athua cia makhae nynh athua cih.
Thuasalama alakaw te umnaw lanpaw kha thua khyh. Aruh lan te umnaw hme RM 1500 paw balyn tuapyabia athua cih zah abalyn te amaw nynh athangkuh lan oh paw hynh RM 6000 thangkuh athua cih.
Hynh-e ahme te um khonaw lanpaw tuh nae Boss hae nynh Immigration zung kalan ccaw a tin cih hae zah immigration kyate nawccawnaw (Proved) a pya kou hae te ahme te um khonaw a mue vae cih hae.
Malaysia accozah nynh atu hawte laanpi a uapya hae paw hynh Covid ccinaw ccyhlya ze vawsaw eih umkuhpaw te a tuapyanaw hae paw nynh thua cite a ho hae.
Covid ccyhlya ze vawsawnaw myarya tung hae zah vae ccungccaw mihmaw te mihmaw lu (18) mih hiinnaw a thangsahkuh vae hae cite zemah thongpang thae lan a um.
Phua a hoi lei hae paw hanlan tuh tuhzeih RM thuakhaekuh lanpaw tuh zoi khyh. Zemah sah takyh te pyakuh ru lan te nae Boss hae kalan bungnaw na ngiakuh oh zetuh myarya hooypaw nynh thua.
