Hongkong hluttaw hae nynh Democracy thawpya hae paw hluttaw lu (4) hae tuh mih ryalaw kyate poh phua hae.
Hynh-e lu (4) hynh ryalaw lah kho lan khyh hae cite China accozah nynh a phuasah hae paw nynh thua.
Tuhte lu (4) a phua hae keiccuze tuhlae hae democracy thawpya hae paw takua mah mih balyn te marya a pou hae.
Atu hawte China accozah nynh Hongkong hluttaw kya rythyh te rya a law hae paw elang ram ccan e hae thinpangnaw myarya a hoi vae hae.
Anuhlang July saw kya China accozah nynh ram khynaw elang cite upadi law athawpaw a soipya hae koute yn cihkuhpaw nynh thua.
Hongkong ram tuh China kuihkaw kya ryry um vae. Hongkong uktu bawi nung nynh zemah China accozah nynh a thopaw upadi tuh nawccawnaw a hoi keiccu nynh hynhte China accozah nynh rythyh te rya a law khopaw nynh thua.
Ref: People Media
