Biden nynh “Deportation Freeze” kawbya (အမိန့်) a thopaw tuh Texas state kyaze ale huapaw sineipaw Ken Paxton nynh tazae ccoi zah ccaving a kheBbia.
Biden nynh kawbya a thopaw miakaw tuh Taxes state e sinei hae nynh marya a khepya kou hae. Paxton nynh “upadi laelan a hum ccungccaw mah alepaw um khyh” cite a ho.
Ccaccangpaw Pyine kya-e sinei hae nynh zemah “Biden kyate pawpaw Executive order yn thua zemah thuasah, pawpaw te kawbya dekari yn thua zemah thuasah kaemaw state kya-e tuh kaemaw nynh kae nykuh hua cih, President zemah upadi laelan ale hua lante um lan khyh” cite a ho hae.
“upadi te anginkuh leipaw order aminth nae tho lanze, kaemaw state kya-e kae thokuhpaw upadi lae, nae lia lanze zyate kaetaw lan khyh” cite Pyine sisei hae nynh raeringkunaw ccaw a ky hae.
Biden hynh president lan a haenaw te, naw kheit nynh hung cih um. tazae a ccoi hae paw hynh atu ryte ccang (4) cih vae. Biden rya he yn hae takaw lya aminth ccnagkheit a tho nin, nin kheit lungku kya ccungccaw milu 70000 lae mih ryahae kyate ryalaw a thang hae cite Newsmax kya a zei hae.
Mee a sue lyaze kaw hoitu hae te hooy te thaekuh koute nynh nawccawnaw rae lan zah aminth tho lan cite a hopaw nynh thua. Thuasalama President lan he yn tang tuh akaw lang e hae te thaekuh vae leite amaw a makhae te aminth marya atho keiccuze Pyine sinei hae nynh mih naw a ccaw khyh keiccuze Biden aminth tuh a khenaw hae paw nynh thua.
#ZTC
