Vaeram kya mah masaty lante Covid-19 khynnawpaw si tuh Pyithuh Sizung Yangon kya atunin Jan 27, 2021 nin kya a kawkuh vae hae.
Tuin kyaze Pyithuh Sizung Yangon kyaze ale huaccepaw Daw Aye Mu Mu tuh masaty lante si a kawkuh ty nung nynh thua. Pyithuh Sizung kya milu 200 te Irawarti sizung kyate milu 100 hae tuh si a kawkuh vae hae.
Atu e si hynh India ram kyate yn thuapaw si nynh athua. Lawlawse hynh ccinghaw laepangaw athua umpaw thua zah ccungccaw milu ccing sari lae pepan ryacia nynh azaw um cihpaw athua.
Hynh-e si a kawkuh cih nin hae tuh Jan 27 kya hynh Sizung kya rya lahtu hae thua zah Jan 29 kya hynh Pyithuh Hluettaw Kosale kawkuh cih hae zah Jan 30 nin kya tuh Amyothar hluettaw kosale hae te Rawkaw kosale hae takua a kawkuh cih hae cite kaw hoitu hae nynh a ho hae.
Hynh-e si hynh hynh India ram kya-e သန္း ၃၀ a re hae paw nynh thua. February naw (1) naw kya နွစ္သန္း bua yn thua cih. Tuh-e hae vae (1) naw oun thuapaw si nynh thua. April saw kya nynh pong ccing lante yn thua kho cih cite a ho hae.
Covid-19 si yn pou vae cite sawphaekuh te um nan oh sih. Atu e covid-19 khynnawpaw si hynh ccungccaw miakaw marya zaw lante tuh kaw kho lan khyh hae cite tuanaw um.
Hynh-e si kawkuh hae zah mih hiinaw thangpaw mah um zah mih kuih, mih ccu pia kho zungzae pia kho lei lan cite a um hae paw mah a umpaw nynh thua. Kawkuh lan yn ccang ze raeringkuh te kawkuh oh si.
#ZTC
Ref; က်န္းဝန္ႀကီးဌာန
