Hynh-e sakhung hynh pawkyate mou yn pou ty cize CNN News kyate nynh yn pou ty.
CNN news te ccaccangpaw liberal news hae nynh atungpi te a hyn hae paw nynh thua.
Arizona state Grand Avenue laanpi lepaw kya a taw hae paw nynh thua.
“Hynh-e hynh Republican state athua zemah Trump hynh a ry khyh hae keiccu atu hawte sakhung a tawkuh hae” cite a zei he hae.
Hynh-e konglang te anulang lonaw kya FOX News nynh video te ccaerarih lan a tin vaepaw nynh thua.
“Don The Con” cite ccaw a zeibia vae hae. Hynh-e kya hynh Trump thonginn kya a umpaw lante fake a rae hae.
Accaccing sakhung tuh Angkile amanpaw nynh thua. “President Trump tuh Nuclear bung laeze athaw umhua” cite a horynua hae paw kha nynh athua. Fake news kyua tuh thonginn lungkhu kya umpaw Angki sepaw te a umsah hae.
A ho rynaw hae tuh aro mawze Trump thonginn kalan yn cceih vae cihpaw” cite a rynaw hae nynh thua. Hynh-e sakhung a muihpaw nynh tuh phe bua a zyn ki cih hae.
FOX News nynh mah “ahmepaw a ny nawlan hae cite kae tinpaw nynh thua” cite a ho hae.
Liberal news pei na do oh zetuh ahmepaw mazi na muih kho lan khyh oh. Trump te asekuhpa wmiakaw tuh ahooylei lante mawcci a zei hae paw nynh thua.
