“Electoral College (EC) kya hynh President Trump nynh taenaw a mue ccaccing paw nynh athua” cite Rep. Mo Brooks nynh a ho.
“Electoral College hae nynh Biden kalan pan te Dec 14 a cih vae cite results athang kou lohlei te nynh a pousah de hae” cite bua a ho.
Tuhkoute, Corey Chambers nynh “Nevada (6), Georgia (16), Pennsylvania (20) state hae kya balyn hynh President Trump nynh a tae vae” cite a ho.
Georgia state kya hynh Biden nynh mee 11779 te a taepaw nynh thua. Atu hynh Trump nynh mee 48,221 te phe tae vae. Pawccecize kum (16) hae te kum (3) hae mee miakaw tuh marya a vuapya hae keiccu nynh thua.
President Trump nynh azici huanaw State ccang (4) kya hynhnynh abapi lante tazae accoi hae. Ccaccangpaw state kya mah ahme leite mee a pya hae paw phe a beih cih cite a ho hae.
“Hynh-e hae miakaw hynh Jan 6 nin hluettaw kya vote bua, oun pya um cih hae. Hluettaw hae nynh vote oun pya kou hae te nynh nyathya aphi tuh athua. Ho rypaw tuh Electoral College hae nynh a pousah hae paw hynh hluettaw kya ahme tou, hme khyh tou cipaw results bua oun tua um cih hae.
“Hluettaw kya vote a pyamaw hae zuakuh te USA ram pynpi hanlan ka taeningnaw thyhte zuakuh te ka khe cih” cite Sihnei paw (attorney) Robert Barnes nynh zemah a ho.
Jan 06 abiamaw kya Trump hanlan accyh patae ung um. A zuakuh kho ze Jan 20 biamaw ryacia accyh hooy.
Te, Biden a ccapaw Hunter konglang zemah atu hynh USA pynpi nynh pung a ny vae hae. Election tuamaw naw kheit ary kya FBI hae nynh Hunter a amangpaw Computer konglang te a ho vae hae paw nynh thua.
Thuasalama Sihnei Winci William Barr te mainstream media hae nynh ccaving khawsung hae zah mihpi (luduh) hae eih nyh kho khyh hae. Biden te a innbyn hae thong maw oun ccah kho hae cite nain-ngain-zei ccama hae nynh a ho he hae. Atu hynh FBI hae nynh Biden ccapaw Hunter tuh a sisei cciamang vae hae.
William Barr hynh zemah Trump nynh “Christmas abiamaw kya na pou vae cih” cite cihpah zah inkhawnin kya maw William Barr nynh pounawpaw ccaw a tin vae. Pawccecize Election mawze Biden ccapaw Hunter konglang sisei leite a um keiccu nynh thua.
Atu e Electoral College hae nynh apousah hae paw hynh President muenaw kya phe a riapaw thua loh khyh. 100% kya 100% Biden nynh a taepaw thua khyh cipaw kae nysah ry oh.
Nevada state te Arizona state kya Dec 14 nin Electoral College nynh a ho kou hae te atu e aphi hynh oun pousah hae paw video te kae dosahbia oh.
Trump thaw na pya oh paw miakaw “Trump phe a shung vae” cite nae ngae mazi thah nan hingsah. President Trump hynh ccaccang hae paw President hae te lokuh khyh cipaw tuh pung ah nyh vae oh.
Amaw tuh ahme leinaw kya umtaw thya lan khyh zah “ahmepaw aphi a pou makhia tuh ka umtaw sae lan khyh” a ci hawte zya te a umtaw thya lanpaw ccungccaw phin thua khyh.
President Trump nynh “ka shung ccaccing vae” a ci makhia kae tuh Biden nynh a tae cih cite mazi ka zyn kho loh khyh. Nyathya lan poi rakyh rakyh hooy.
#ZotungTubeChannel
