Christine Fang (Fang Fang) cikuh nung hynh Taluh accozah elang cite American azasih hae kyate aruh lante thongpang zyazya a lahpaw nynh athua.
Hynh-e nung nynh Taluh accozah kalan thongpang a pya hae paw hynh, pawtahawpaw thongpang nynh a pya hae cipaw nyhkuh loh khyh zemah amaw a pyn tuh American uktu bawi hae kalan hynh a pyakuh.
Fang Fang konglang hynh FBI hae nynh khaw te nyh vae hae paw thua zah Fang Fang hynh California state kya nynh a lunghua a um hua cite a ho hae.
Kum tapyh, yn ro te vaetuh American azasih lante a um hae paw kalan phe yn thua kho vae. FBI hae nynh a honaw hae tetuh Naing-ngain-zei ccama lu 10 laete leih umkheih hae zah tuh-e hae kyate tongpang tuh zyazya a lawkuh he cite a ho hae.
Midwestern kya-e winci luning hae te zemah mih pho myarya hooysahkuh hae cite bua ho hae. Fang Fang nynh zemah a umkheih hae paw miakaw balyn tuh aruh lante video zemah zyazya a khungkuh hae cite a ho hae.
Axios nynh a honaw tetuh azasih pakheih hae nynh meeting a tuakuhnaw hae kalan zemah poupou a tee khobua cite a ho. Hynh-e balyn hynh Fang Fang a puithyanaw liate nynh athua cite bua a ho ki.
Tuhkoute Ohio rampibawi paw te zemah mawtaw lungkhu kya a umkheihpaw hae balyn tuh CCTV kyate phe a nybia kho hae.
Nyathya lan vaetuh Democratic hluettaw kyate a kum a no huaccepaw Eric Swalweel te yn nykuh vae hae. 2014 kum kya Eric hanlan hluettaw muenaw elang balyn tuh bungnaw phua a pyabua. 
Tuh-e te asekuh lante atu lya Eric Swalweel hynh FBI hae nynh thaw te a khiaruh (leihla) cciamang vae hae. Aru sou Democratic party hae..
REF; Daily CI News
#ZotungTubeChannel
