FACEBOOK company nynh a taekuh hae paw miakaw marya re te Socia media hae balyn a kuihkaw kya nung khylan cite ahme leite rya a law keiccuze atu haw te tazae a ccoi hae paw nynh thua.
Atu e tazaeccoinaw kyaze state (48) kya-e byapiatu hae ryte pykuh te pynkheih lan tazae a ccoi kheih hae. FB nynh ccaccang hae paw rythyh te ryalaw khonaw kya khawtu lante a ungpaw hynh (Antitrust Laws) Upadi kawbya a ro hae paw nynh thua cite a ho hae.
FB company nynh FB a mangtu hae kya-e pokuh khonaw te amaw konglang te asekuhpaw balyn marya a ro hae cite TFT (The Federal Trade Commission) te state (48) kya-e Byapiatu hae nynh a kaethenaw hae paw tuh athua.
Muenaw kya a taekuh hae paw ccaccangpaw company taraw hynh phe paccynnuakuh te nynh aruh lante rya a law hae cite TFT hae nynh a ho hae. Te, Facebook company nynh Biden election hanlan cite $400 million a bungpaw mah hluettaw hae nynh phe a nybia vae hae.
Tousenawze, Instagram hynh 2012 kum kya re hae zah WhatsApp hynh 2014 kum kya a repaw nynh thua. Hynh-e company te ccangccangpaw company taraw hae (70) lae tuh FB nynh pong a re kou hae. Hynhte FB nynh a repaw hynh paw khylan nynh a re cipaw hynh phe ah tuase thya vae cih oh cite ka tua. A rynaw hae tuh FB hynh oun tae nan hae sah cite a rynaw hae paw abapi athua.
FB raetu Mark Zuckerberg hynh laephi vawlan kyaze hoirungnaw kya lu (5) naw a ungpaw nynh thua. Kum khiet kyaze Dollar (70) million ryacia a muepaw nynh thua.
Muenaw (ဈေးကွက်ထိန်းချုပ်မှု) kyaze thinphangnaw a ung lei lante company a dih hae paw tuh marya a kynkuh kho hae keiccuze aepaw niapaw a aetu hae hanlan te a retu hae hanlan balyn thinphang lan myarya um vae cite hluettaw kya rya latu hae party ccangning kya-e Upadi hluettaw hae nynh zemah a ho hae.
FB Company pipi phe oun khawpya ccaccing hae tuh thinphang lan myarya ung. Ruibang vaeccaw hae te thaekuh khonaw phe yn ru vae cih.
#ZotungTubeChannel
