Malaysia wingyichoh a rynpaw Najib Raza tuh inkhawnin kya tazaezung kyate thong kum (12) te American phua $49.3 million na rungbia cih cite amint atho hae. Akonglang tuh Wingyichoh a tang lyaze ame leite rytyh te kaw a mang cite tazae a ccoi hae paw nynh thua.
Wingyichoh lan a tang lyaze 2009 kum kya 1MDB a thungpaw thua zah tuh-e 1MDB kya-e phua $4.5 billions a lawku cite tazae a ccoi hae. Apiaze SRC INTERNATIONAL kyate zemah American dollar (10) million ame leite lasung lan a lawku cite tazae a ccoibia ki hae. 
Najib Razak tazae a ccoi hae paw ahmuh hynh patae cih zah atu tuh (42) ahmuh te tazae a ccoi hae paw nynh thua. Wingyichoh lan a tang lyaze a rythyh te accozah phua a mangpaw nynh thua. TUh-e phua hae te Hotel hae, Sanphalung taraw hae te kadawin paci citahawpaw hae kya phua a mangpaw nynh thua.
Najib Razak a zu, Rosmah Mansour zemah tazae a ccoibua hae. Mih inn lungkhu lan Palih hae nynh pou a teenua lya hae ze American phua $270 millions lae kynbia hae zah a zu nynh amangpaw ame myarya aru hae paw, Suimihlang, Kuihnaw te bags (hand bags) hae te ccaccangpaw hae balyn patae a kynbia hae paw nynh thua. A zu nynh tuh lasung lan ka muepaw nynh thua cite a ho.
Najib Razak nynh tuh accozah kya-e ame leite pawpawmah ka mang khyh cite varyn a pheiku. Tazaezung kyamah ngaethyakunaw luenaw khylan ka ngiakuh cih hae cite a ci.
#ZotungTubeChannel
Credit- Photos
