Chidetahnaw pya lan vae cite atunin July 15, 2020 nin lu ningnaw zemah Washington pithungsuh kya ungpaw byapituapaw lu kheit nynh phe khe keiccu ze chinaw kyate phe lue ung.
American ram kya chidetahnaw a mang khyhnaw hae kum 17 a cih vaepaw nynh thua. Atu athawte bua mang lan vae cite accozah nynh kaw a pyavae keiccuze atu lonaw naw kheit lungkhu kya lu ningnaw chia lan cite a paccyn hae paw nynh thua. 
Chidetahnaw a muepaw hynh a kum 68 cih vaepaw thua zah ccungccaw a chiapaw hynhmah a lung eih ccing thya khyh keiccuze a chia seipaw thua zah chidetahnaw ryacia tuh mue lan ccang khyh cite a sineipaw nynh a ho. Ire Purkey nynh a chiapaw lia ccanung min tuh Jennifer Long thua zah kum 16 lia ccanung taraw nynh thua.
Ire Purkey hynh 1998 kum lya ze Missouri state kya kum 10 liaccaw taraw tuh a pyn balyn ccezung te palae tui lan aw te a chia keiccuze chidetahnaw a pya hae paw nynh thua. Amaw nynh zemah ‘ka sei’ cite bya a kinkuhpaw nynh thua. Ire Purkey hynh Kansas state Lansing khua kya-e paw nynh thua.
Atu lonaw lungkhu accozah kalan te pawte nynh bya bua yn leih cih hae paw yn lankuh cih. Ire Purkey hynh zemah eisi kawte chia lan cite a ci hae paw lu ningnaw athua.
#ZotungTubeChannel
