President Trump kya-e campaign manager Brad Parscale nynh “Lockdown tuanaw laku kyamaw Ticket a rekuh vae hae paw 1 million lae phe cih vae hae” cite inkhawnin ninkheitnin kya a ho.
“Tuh-e campaign tua lyaze aso, akya tounawpaw te hand sanitizer hae nungbiate kae teesah cih hae” cite bua a ho. Tulsa, Okla, Saturday June 20, 2020 nin kya a tua cih hae paw nynh thua. June 19 nin kya tua lan cite paccynkuh thua zemah kum 1865 lyaze President Lincoln nynh ngeman hae se kyate lue nin cite a mint atho nin te phe tungkuh zah June 20 nin lan a nue hae paw nynh thua.
Atu oun tua cih hae paw hynh 2020 kum lungkhu kya masaty lante tuapaw thua zah Tulsa kya tua lan cite a paccyn hae paw nynh thua. Inkhawnin ryacia 1 million lae ticket a cih vaepaw thua zah, hynh laelan houh bua yn lung chih ci cite a ho hae.
2020 kum kya zemah Trump nynh bua yn mue cih cite ccungccaw patae nynh ngaehoinaw a hoi hae.
#ZotungTubeChannel
