Atu lya USA ram kya sandah a pianaw hae kyaze Walmart store kalan tee te uccaw syro te uccaw a lawkuh hae paw miakaw kae sisei cih zah marya kae kyn cih hae cite a ho hae.
Walmart store kya-e uccaw a ru hae paw hynh 1 million ame pepan a ru hae, tuhkeiccuze ngaethya lan hae paw mazi thua khyh, atu hynh camera te palih hae nynh a sisei cciamang ung hae cite Walmart kya kaw hoitupaw nynh a ho.
Sandah makhae pia leite abang ccungccaw tuh ru khylan nynh sandah a pia hae, uccaw a lawkuh kou hae te mih inn lan pong ki vae hae, mazi kae ngaethya lan khyh, tazaeccoi a thua cih hae” cite palih lupipaw nynh a ho.
Sian kalan tee te uccaw a ru hae paw hynh Walmart makhae thua leite iPhone company, Mawtaw company hae te ccaccangpaw sain kalan balyn uccaw syro te a rubia hae paw nynh thua.
Atu e Walmart store hae nynh a seiseinaw hae tuh Florida state kya-e Walmart store ccangkheit hae nynh thua. Ccaccang hae paw company hae nynh zemah yn sisei cih hae zah marya yn kyn cih hae paw nynh thua.
Accozah uccaw a syro hae paw tuh accozah te hokuh cih hae. Mihmaw kopain company hae nynh tuh “kae ngaethya kho lan khyh hae” cite company hoitu hae nynh a ho hae.
#ZotungTubeChannel
