Vae (46) naw President tuh Joe Biden nynh a mue cite Electoral College (EC) hae nynh atunin Dec 14, 2020 nin kya a pousah vae hae.
Joe Biden hynh Nov 20, 1942 kum Delaware state kya puipaw nynh thua. Amaw hynh Democratic paty (party) paw nynh thua.
Joe Biden tuh hluettaw kya hynh Jan 3, 1973 kyate Jan 15, 2009 ryacia kum (36) ryahaebua zah Vice President lante kum (8) cia a hae bangpaw nynh thua.
Jan 6, 2021 kum kya hluettaw nynh nawccawnaw a hoi khae tou, hoi khae khyh tou cipaw bua oun hokuh um cih hae. Nawccawkhaenaw a hoi ze Jan 20, 2021 kum kyatuh baebu te byakhingkunaw a um cih. Tuin koute tuh ahmepaw president thuanaw a mue ccaccing vae cih. Ry khyh, ry zemah President lan a tang vae cih.
Joe Biden President lan yn tang ccaccing vae zetuh aening Chin ccungccaw refugees hae hanlan kou yn hoi vae cih cite ngaehoi um. Zu ccaw kokuh hae paw hanlan mah ngaehoi phe um hua vae. President lan ka tang zetuh refugees ccungccaw ccing 150000 ka ko cih cite a hopaw nynh thua.
Joe Biden nynh zyn lan eih um khyh. Pawccecize campaign a tua lyaze “President lan ka tang zetuh virus a um lungkhu tuh Siainn ka hung lan khyh” cite ho zah inkhawnin zekhanin tuh “Siainn pung ka hung vae cih” cite bua ho kipaw nynh thua.
President Trump hanlan accyh patae ung um. Shung loh khyh.
#ZotungTubeChannel
